Rəqəmsal dünyanın iki nəhəng ekosistemi olan Meta (Facebook, Instagram) və Google Ads (Axtarış, YouTube, Display) fərqli istifadəçi davranışlarına sahibdir. Biz, brendinizin hədəflərinə uyğun olaraq hər iki platforma üçün dərindən düşünülmüş xüsusi kampaniya strukturları qururuq. Sosial mediada istifadəçinin emosiyalarına və vizual zövqünə toxunaraq maraq oyadır, Google axtarışlarında isə artıq məhsulunuzu aktiv şəkildə axtaran potensial alıcıları birbaşa satışa yönləndiririk.

Kampaniyaların qurulması prosesində A/B testlərdən intensiv istifadə edərək hansı vizualın, hansı başlığın və ya hansı hədəf kütləsinin daha büdcə-dostu və effektiv nəticə verdiyini mütəmadi analiz edirik. Bu yanaşma, reklam büdcənizin maksimum səmərəliliklə işləməsini təmin edir. Biz reklamı təxminlərlə deyil, dəqiq datalarla idarə edirik.

Saytınızı ziyarət edən və ya sosial mediada postunuzla qarşılıqlı əlaqədə olan insanların böyük hissəsi ilk baxışda satın alma qərarı vermir. Retargeting  strategiyamız vasitəsilə brendinizlə artıq tanış olan, lakin qərar verməkdə tərəddüd edən bu isti kütləni yenidən müəyyən edirik.

Onlara xüsusi təkliflər, emosional rəylər və ya xatırladıcı vizuallar nümayiş etdirərək, yarım qalmış satınalma prosesini uğurla tamamlayırıq. Bu yanaşma, potensial müştərilərinizi itirmədən onları real alıcıya çevirməyin və satış ehtimalını artırmağın ən effektiv yoludur.